El refrán suel definise como dichu curtiu Y popular. Tresmítese oralmente al
traviés de los sieglos y ye d'usu común. Esiste en toles cultures y en
tolos idiomes. Asturies ye una rexón privilexada tocantes a refranes, pos son
numberosos tantu na cantidá como en variedá. Una peculiaridá de los refranes
asturianos ye la so pronunciación, yá que se suel heredar según dicíase nel
llugar de procedencia.
- A mal marzu nunca bon iviernu.
- Borrina de marzu, xelada en mayu.
- Pa dir a Santu Medero has sallar el pan primero.
- La fame de marzu y el fríu d´abril, probe del alma que los tien que
sufrir
- Cuando en marzu hai vientos fuertes y abril ye moyáu y fríu, vien mayu
llozanu y floríu.
- Cuando oyas tronar a marzu, da-yos a les pipes col mazu.
- Cuando marzu mayea, mayu marcea.
- De marzu nun te fíes, que ye un traidor; tan apriesa trai´l fríu
comu´l calor.
- En marzu, a la mañana mata la oveya y a la tardi enxúga-y la pelleya.
- En marzu l´agua quema la tierra.
- En marzu´l fríu mata al caballu.
- En marzu, pela mañana encama l´abeya y pela tarde muerre la oveya.
- Marzu airosu, abril lluviosu.
- Marzu engañaor, un día malu y otru peor.
- Marzu marcial, cabeza de can, que nun dexes can debaxu l´horru, nin
mozu en prau vistíu de saya.
- Marzu marciando y abril peñerando.
- Marzu marciaor, mátales al agua y agüéyales al sol.
- Marzu marzuetu, déxame unu pa mansu y otru pa moruecu.
- Marzu niarzu, abril güeveril, mayu paxarayu, per San Xuan volarán y na
herba cantarán.
- ¿Ñeve per San Xosé? Poca y daqué vez.
- El fríu de marzu y la fame d´abril tán por venir.
- El Sol de marzu, fiere como un mazu.
- Rabión de marzu y cañonazos d´abril enseñen al home cómo ha de vivir.
